Misioni ynë është i vetëm: Bashkimi Kombëtar – jo si ëndërr, por si proces i strukturuar dhe i realizueshëm.
Ne nuk presim që politika të veprojë. Ne analizojmë, hartojmë skenarë dhe krijojmë alternativa aty ku të tjerët ofrojnë vetëm retorikë.
Puna jonë nuk është të bindim – por të ofrojmë rrugë të qarta drejt qëllimit. Ajo që sot duket e pamundur, nesër duhet të jetë e diskutueshme. Pasnesër – e realizuar.
Objektivat tona strategjike:
- Bashkimi Kombëtar – Jo deklarata, por struktura funksionale mes Shqipërisë dhe Kosovës: mbrojtje, ekonomi, politikë e jashtme.
- Sovraniteti Ekonomik – Kontroll mbi burimet strategjike, jo varësi nga importet dhe investimet e huaja pa kriter.
- Siguria dhe Mbrojtja – Kapacitete që garantojnë mbrojtjen e interesave tona në një rajon të paqëndrueshëm.
- Arsimi dhe Identiteti – Formimi i brezave që e dinë kush janë dhe çfarë duan.
- Shteti i Drejtë – Institucione që mbrojnë interesin publik dhe ndëshkojnë korrupsionin.
Lëvizja është një rrjet profesionistësh shqiptarë në Shqipëri, Kosovë dhe diasporë. Ne punojmë për një të ardhme ku shqiptarët nuk janë objekt i zhvillimeve rajonale, por subjekt aktiv i tyre.